Яңалыклар

«Сәйлән» фестиваленең ПРЕМЬЕРАСЫ зәңгәр экраннарда
Канал яңалыклары

«Сәйлән» фестиваленең ПРЕМЬЕРАСЫ зәңгәр экраннарда

Дуслар, көттегезме? «ШАЯН ТВ» каналы алтынчы тапкыр яраткан тамашачылары өчен татар музыкасы дөньясын ача! 6 ОКТЯБРЬДӘ 12:00 һәм 17:00 сәгатьләрдә «ШАЯН ТВ» каналында тамашачыларның күңелен яулаган «Сәйлән» балалар телевизион җыр фестиваленең премьерасы булачак! Бу гади генә сезон түгел, ә сезоннар ярышы! Узган елларның җиңүчеләре үзара көч сынаша! Көрәш бик кызу булачак! Җанлы тавыш! Сез яраткан башкаручылар! Татар эстрадасының танылган йолдызлары! Барысы да бер тапшыруда! Катнашучыларны татар эстрадасының иң зур телевизион сәхнәсендә онытылмаслык мизгелләр көтә! Беренче чыгарылышта исә сайлап алу этабында катнашучыларны яраткан җырчыларыбыз Эльмира Кәлимуллина, Алсу Әбелханова һәм Илгиз Шәйхразиев бәяләячәк. Катнашучылар «Сәйлән» статуэткасын алу өчен көч сынашачак! 6 ОКТЯБРЬДӘН һәр якшәмбе зәңгәр экраннарда грандиоз «Сәйлән» проектының яңа чыгарылышларын карагыз, үзегезгә ошаган яшь җырчы өчен җан атыгыз! Тамашачыларны күп сюрпризлар, гаҗәеп талантлы башкаручылар һәм шәп җырлар көтә! Ялларны җырлап уздырыйк!

04.10.2024
Популяр җырчы Гөлназ Асаева яңа проектка алынган
Популяр яңалыклар

Популяр җырчы Гөлназ Асаева яңа проектка алынган

«МАРШРУТка» тапшыруының яңа чыгарылышы дөнья күрде! Тапшыруның кунагы – популяр җырчы Гөлназ Асаева. Җырчы телевидениедәге яңа проекты, Элвин Грей, әтисе һәм Вилли белән мөнәсәбәтләре хакында сөйли.

04.10.2024
Елмаю гомерне озайта
Кызыклы фактлар

Елмаю гомерне озайта

«Уяндыңмы, елмай - Көнне башла шулай!» - диясе килә бүген. Чөнки бүген - Бөтендөнья елмаю көне! Көненә, кимендә бер генә тапкыр булса да, елмаегыз. Көлү йөрәк тибешен көйли һәм сулыш алуны ешайта. Шулай итеп, организмга кислород күбрәк керә. * Елмаю - йогышлы әйбер. Әгәр дә сез әңгәмәдәшегезгә елмайсагыз, күпчелек очракта ул да сезгә җавап итеп елмаячак. Бу «хамелеон эффекты», ягъни кеше уйламыйча башкаларның үз-үзен тотышын үзенә күчергәндә яки елмаю белән бергә әңгәмәдәшнең кәефен кабул иткәндә барлыкка килә. * Чын күңелдән елмая торган кеше еш кына бер үк вакытта күзләрен дә кыса икән. * Ихлас елмаю һәм ялган елмаю өчен баш миенең төрле өлкәләре җавап бирә. * Ихлас елмаю уртача 4 секунд дәвам итә. * Әгәр сезнең кәефегез булмаса, елмаегыз. Бу очракта баш мие кире процессны башлап җибәрәчәк, кандагы эндорфин күләме артачак һәм сезгә җиңелрәк булачак. * Еш елмая торган һәм көлә торган кешеләр озын гомерле була, чөнки елмаю кислород әйләнешен һәм кан басымын яхшырта. * Елмаю иммунитетны ныгыта, сәламәтлекне яхшырта. Елмайганда сезнең тәнегез җиңеләя һәм бу иммун системасына ярдәм итә. * Елмаю вакытында 5тән алып - 53 мускулга кадәр кулланылырга мөмкин. Бары тик елмаю гына берьюлы 53 мускулга кадәр хәрәкәтләндерә ала.

04.10.2024
«Көзге фотосессия» флешмобына кушыл
Канал яңалыклары

«Көзге фотосессия» флешмобына кушыл

Фотога төшәргә яратасызмы? Флешмобка кушылырга чакырабыз. «ШАЯН ТВ» каналы «Көзге фотосессия» флешмобын башлады. Кагыйдәләр белән танышу өчен сылтама буенча «ШАЯН ТВ»ның Telegram каналына уз. Җиңүчене истәлекле бүләкләр көтә!

03.10.2024
«ШАЯН ТВ» каналы «ТЭФИ-KIDS 2024» финалында
Канал яңалыклары

«ШАЯН ТВ» каналы «ТЭФИ-KIDS 2024» финалында

Дуслар, шатлыклы хәбәребез бар! «ШАЯН ТВ» каналы Россиянең телевизион «ТЭФИ-KIDS 2024» милли премиясенең финалына чыкты! Каналның алып баручысы Ислам Хәбибуллин «Иң яхшы балалар өчен тапшырулар алып баручы» номинациясендә финалист булды. Бәйгедә ул Мәскәүнең «Россия К» һәм «СОЛНЦЕ» телеканаллары алып баручылары белән көч сынашачак. Конкурста катнашуга барлыгы 215 эш җибәрелгән. Алты ел уздырылган премия тарихында бу рекордлы күренеш. Җиңүчеләрне бүләкләү тантанасы исә октябрь аенда Мәскәүнең «Et Cetera» бинасында узачак. «ШАЯН ТВ» каналын җиңүе белән ихлас котлыйбыз! Бөек үрләр һәм финалда уңышлар телибез!

03.10.2024
Россия халкын 6 көнлек эш атнасы көтә
Популяр яңалыклар

Россия халкын 6 көнлек эш атнасы көтә

Россиядә 28 октябрьдән 2 ноябрьгә кадәр алты көнлек эш атнасы булачак. Шимбә, 2 ноябрьдәге ял 30 апрельгә күчерелә, шуңа күрә бу көнне эшкә чыгарга туры киләчәк. Ә 4 ноябрьдә Халыклар бердәмлеге көне билгеләп үтелә. Ял көне алдыннан исә эш көне бер сәгатькә кыскара. 2 ноябрь, шимбә көнне дә россиялеләрне кыска эш көне көтә. Искәртеп узыйк, Татарстан халкын соңыннан өч көнлек эш атнасы көтә, 6 ноябрьдә Татарстан Конституциясе көне билгеләп үтелә.

02.10.2024
Көз көне нәрсә ашау файдалы?
Кызыклы фактлар

Көз көне нәрсә ашау файдалы?

Көзен туклануга аеруча игътибарлы булырга кирәк. Кояш нурлары, җылы көннәр кимегән мәлдә кешенең кәефе дә көйсезләнә башлый. Көз килде, дип моңсуланмас өчен, белгечләр менә нәрсәләр ашарга киңәш итә. 1. Банан. Кайчакта баллы ашыйсы килә, менә шул вакытта банан ашап куегыз. Анда глюкоза, фруктоза һәм сахароза бар. Көзге депрессия белән көрәшүче калий, триптофан һәм В төркеменә караган витаминнар да күп. 2. Чикләвекләр. Көзен кешегә калориягә бай ризыклар аеруча кирәк, чөнки организм кыш өчен энергия туплый. Чикләвектә омега-3 май кислотасы бар, ул исә йөрәк эшчәнлеген көйли. 3. Груша. Бу җимешнең әллә нинди төрләре бар. Барысын да ашагыз. Грушада пектин күп. Ул исә организмны чистарта. Анда стресс белән көрәшүче фруктоза да җитәрлек күләмдә. 4. Кызыл һәм кишер сары төстәге җиләк-җимешләр. Кишер, кабак, борыч, чөгендер – галимнәр фикеренчә, шушы яшелчәләр кеше организмында эндорфин гормонын күтәрергә сәләтле. Ә эндорфинның “бәхет гормоны” икәнен беләсездер. 5. Кәбестә. Брюссельныкы, төслесеме, брокколимы… Болар барысы да сезнең көзге туклану рационына керергә тиеш. 6. Суган. Йөткерә, төчкерә башлагач кына аның турында искә алабыз шул. Әмма суганны күпкә иртәрәк куллана башласак, хәерлерәк. Ул антисептик һәм бактерицид үзлекләргә ия, вирусларны үтерә.

02.10.2024
Prev. 1 ... 107 108 109 110 111 ... 425 Next
Главная Программа Видео Шортс Поиск