Яңалыклар

Тамашачыларга чираттагы концерт тәкъдим ителде
Канал яңалыклары

Тамашачыларга чираттагы концерт тәкъдим ителде

Бүген Казанның 127 нче мәктәбендә «ШАЯН ТВ» каналының «Балачак җыры» концерты узды. «Сәйлән» телевизион фестивале җиңүчеләре тамашачылар күңелен яуларга өлгергән, балалар өчен уникаль җырларны яңгыраттылар. Иң актив балаларга исә «ШАЯН ТВ» шәп бүләкләр өләште! Тамашачылар «ШАЯН ТВ» балалар каналының яраткан персонажлары белән фотога да төшә алды. Шаян белән Мияу балаларны каршы алдылар, сәламләделәр, уйнадылар, күңелләрен күтәрделәр! Исегезгә төшерәбез, әлеге чара Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән һәм «Мәрхәмәт-Милосердие» Татарстан Дәүләт Советы хатын-кыз депутатлары оешмасы белән берлектә үткәрелә. Концерт барышында залда бәйрәм хисе хөкем сөрде! Ул барлык тамашачыларга да аралашу шатлыгы һәм яхшы кәеф бүләк итте! Концертта катнашучылар тамашачылардан бик күп рәхмәт сүзләрен кабул иттеләр!

11.10.2024
«Сәйлән» проектының яңа чыгарылышын карарга чакырабыз
Канал яңалыклары

«Сәйлән» проектының яңа чыгарылышын карарга чакырабыз

13 ОКТЯБРЬ көнне «ШАЯН ТВ» каналында «Сәйлән» проектының яңа чыгарылышын карарга чакырабыз. Җиңүчеләр арасыннан җиңүчене сайлап алу җиңел булырмы? Тиздән барлык серләр дә ачыла! Яшь йолдызларны Татарстанның атказанган артистлары Элвин Грей, Эльмира Кәлимуллина һәм яраткан җырчыбыз Илгиз Шәйхразиев бәяләячәк. Һәр якшәмбе 12:00 һәм 17:00 сәгатьләрдә зәңгәр экраннарда грандиоз «Сәйлән» проектының яңа чыгарылышларын карагыз һәм кушылып җырлагыз! Ялларны җырлап уздырыйк!

11.10.2024
Көз көне туган кешеләрнең йөз яшькә җитү мөмкинлеге күбрәк
Кызыклы фактлар

Көз көне туган кешеләрнең йөз яшькә җитү мөмкинлеге күбрәк

Галимнәр әйтүенчә, октябрь аенда дөньяга килгән балаларның төрле өлкәдә уңышка ирешү мөмкинлеге зуррак. Тикшеренүләр күрсәткәнчә, көзен туган балалар чыдамрак һәм бигрәк тә апрель, май һәм июнь айларында туган яшьтәшләреннән физик яктан көчлерәк була икән. Ноябрь аенда дөньяга килгән балалар иң яхшы спортсменнар, икенче урында - сентябрь, ә өченче урында – октябрь балалары. Галимнәр фикеренчә, мондый феномен баланың карында вакытта җәй көне алган D витаминының югары дәрәҗәсе белән бәйле булырга мөмкин. Шулай ук көз аенда туганнарның озын гомерле булу өчен бөтен мөмкинлекләре дә бар, ди белгечләр. Сентябрь, октябрь яки ноябрьдә дөньяга килгән кешеләрнең йөз яшькә кадәр яшәү ихтималы аеруча зур. Аерым алганда, октябрь аенда туган кешеләрнең йөз еллык юбилеен билгеләп үтү апрель ае белән чагыштырганда сизелерлек дәрәҗәдә күбрәк. Октябрьдәгеләрнең озын гомерле булуы йөрәк-кан тамырлары авыруларының чагыштырмача түбән булуы белән дә аңлатыла. Фото: Яндекс

10.10.2024
Бу ризыкларны йоклар алдыннан ашарга ярамый
Кызыклы фактлар

Бу ризыкларны йоклар алдыннан ашарга ярамый

1. Йокы алдыннан аксымга бай ризыкларны кулланырга кирәкми, чөнки аны үзләштерү процессы озакка сузыла. Нәтиҗәдә, иртән үзегезне начар хис итү ихтималы бар. 2. Организм кичке һәм төнге вакытта ял итәргә һәм үз халәтенә кайтырга тиеш. Шуңа күрә төнгә ашкайнату трактына тискәре йогынты ясый торган продуктлар (майлы, кыздырылган, ысланган ризыклар) кулланудан баш тартырга кирәк. 3. Җиләкләрдән дә тыелу яхшы. Алар эчәклектә әчеп, эч күперергә мөмкин. 4. Төнгә каршы баллы ризык ашарга кирәкми. 5. Йоклар алдыннан әче сөт ризыкларын кулланмаска кирәк. Алар югары инсулин индексына ия, бу ашказаны асты бизен инсулин эшләп чыгарырга мәҗбүр итә. Монысы үз чиратында организмда май запаслары барлыкка килүенә китерә. Фото: Яндекс

10.10.2024
Африкада кар яуган
Популяр яңалыклар

Африкада кар яуган

Көньяк Африкада 10 ел эчендә беренче тапкыр кар яуган. Республикада көтмәгәндә яуган кар җирле халыкның тормышын астын-өскә китергән. Туктаусыз ун сәгать яуган явым-төшем автомобильләр хәрәкәтен туктаткан, мәктәпләрдә укулар булмаган. Метеорологларның мәгълүматы буенча, төбәккә килгән салкын атмосфера фронты кар рәвешендәге явым-төшемнәргә китергән. Тау зоналарында теркәлгән кар яву җирле халык өчен чын сенсациягә әйләнгән. Африкалылар кар бабай ясаган, чаңгыда шуарга чыгучылар да булган. Метеорологлар билгеләп үткәнчә, Көньяк Африкада мондый кар яву бик сирәк күзәтелә. Таулардагы кар климат үзгәрешләренең һава шартларына, хәтта традицион рәвештә кышкы күренешләргә дучар булмаган төбәкләргә дә йогынты ясый алуын тагын бер кат искәртте. Фото: Яндекс

09.10.2024
«СӘЙЛӘН»! YouTube каналда премьера
Канал яңалыклары

«СӘЙЛӘН»! YouTube каналда премьера

«ШАЯН ТВ»ның YouTube каналында «Сәйлән» телевизион җыр фестиваленең АЛТЫНЧЫ СЕЗОНЫНЫҢ беренче чыгарылышы дөнья күрде! Иң грандиоз фестивальнең премьерасын карамый калмагыз! Җанлы тавыш! Талантлы башкаручылар! Татар эстрадасы йолдызлары! Барысы да бер тапшыруда! Яшь йолдызларга үз бәяләрен Татарстанның атказанган артистлары Алсу Әбелханова, Эльмира Калимуллина һәм популяр җырчы Илгиз Шәйхразиев бирәчәк. Грандиоз шоуны карамый калмагыз! Сылтама буенча YouTube каналга узыгыз! Телевизион премьераны исә һәр якшәмбе көнне «ШАЯН ТВ» каналында 12:00 һәм 17:00 сәгатьләрдә карагыз!

09.10.2024
«ШАЯН ТВ» балалары Рөстәм Миңнехановны каршы алды
Канал яңалыклары

«ШАЯН ТВ» балалары Рөстәм Миңнехановны каршы алды

Бүген Татарстан Республикасы Рәисе Рөстәм Нургали улы Миңнеханов «ТНВ» каналының яңа виртуаль студиясендә кунакта булды. Иң беренчеләрдән булып, хөрмәтле кунакны «ШАЯН ТВ» каналы балалары, яшь алып баручылар, каналның нәни йолдызлары каршы алдылар һәм «Сәлам» җырын бүләк иттеләр.

08.10.2024
Көн саен сарымсак ашарга кирәклекнең 6 мөһим сәбәбе
Кызыклы фактлар

Көн саен сарымсак ашарга кирәклекнең 6 мөһим сәбәбе

Сарымсакның 1001 файдасы турында беләсезме? Нәкъ тә менә сарымсак көнендә аның бу шифалы үзлекләре турында белү - комачау итмәс. Сарымсакның файдалы үзлекләренең берсе – бактерияләргә каршы тору. Ул организмның вируслы, салкын тию авыруларына каршы торырга булыша. Грипп һәм салкын тию авыруларын булдырмас өчен, азыкка вакланган сарымсак кушарга кирәк. Тикшеренүләргә караганда, бу яшелчәне көндәлек куллану салкын тиюне 60% ка киметә икән. * Сарымсак - составында аксым, углевод һәм 400дән артык биологик актив элементлар булган яшелчә. Алар арасында организмны тулы көченә эшләвен тәэмин итүче витаминнар, минераллар һәм органик кислоталар бар. * Ютәл вакытында авыз эчендә бер кисәк сарымсак тотарга кирәк. Әгәр аны вакыт-вакыт азрак тешләп алсагыз, терелүгә бер адым ясадыгыз дигән сүз. * Бик көчле ютәлләгәндә, салкын тигәндә, грипп, тамак авыртканда сарымсак пары суларга киңәш ителә. * Сарымсакның кизү вакытында (грипп) да файдасы зур. Моның өчен бүлмәгә туралган сарымсак кына куярга кирәк. Ул вирусларны бик тиз үтерәчәк. * Борында томау вакытында бер кисәк сарымсакның согын сыгып, аны 1/3 стакан җылы суга салып болгатып, тамчылап, борынга салырга ярый. * Антибиотик таблеткалардан сарымсакның өстенлеге шунда - ул бары тик зарарлы бактерияләрне генә үтерә, ә даруханә препаратлары исә зарарлы һәм файдалы микроорганизмнарны барысын бергә юк итә.

07.10.2024
Prev. 1 ... 106 107 108 109 110 ... 425 Next
Главная Программа Видео Шортс Поиск