Яңалыклар

Баллы көн
Популяр яңалыклар

Баллы көн

Бүген баллы яратучылар өчен менә дигән бәйрәм - Бөтендөнья шоколад көне билгеләп үтелә! Шоколад күп кешенең яраткан ризыгыдыр, мөгаен. Кемдер аннан башка үзенең тормышын күз алдына да китерә алмый. * Шоколадны даими куллану - гомерне озайта, ди белгечләр. * Шоколад - диетада да ашарга яраклы булган тәм-томнарның берсе икән. * Бер телем кара шоколад ашап кую – ашыйсы килү теләген дә озакка баса. * Фән билгеләвенчә, шоколадта кешене ял иттерүче һәм психологик яктан тернәкләнергә ярдәм итүче элементлар бар. * Аның кара сортлары эндорфиннар - бәхет гормоннары бүлеп чыгара, кәефне яхшырта. * Шоколад яратучы балалар хәтта мәктәптә дә яхшырак укый икән! Томышларыгыз шоколад кебек татлы булсын, дуслар!

11.07.2024
«ШАЯН ТВ» яңа мультсериал тәкъдим итә
Канал яңалыклары

«ШАЯН ТВ» яңа мультсериал тәкъдим итә

«ШАЯН ТВ» каналында җәйге премьералар дәвам итә! «Нәни аҗдаһа Тоша» мультсериалы эфирга чыкты! Нәни пандалар Няша белән Яша ямь-яшел урман уртасында иркен бер өйдә яшиләр. Безнең геройлар әйләнә-тирә дөнья турында әле күп нәрсәне белми, өстәвенә, барлык балалар кебек үк, алар еш кына талашырга һәм көйсезләнергә яраталар. Шунысы яхшы, Няша белән Яшаның ышанычлы дусты бар - шаян һәм кызыксынучан аждаһа Тоша. Ул һәрвакыт ярдәмгә килергә, юатырга, күңел ачарга һәм кызыклы вакыйга сөйләргә әзер. Моннан тыш, Тоша үзенең тылсымлы сабын куыклары ярдәмендә иң гади көнне дә чын маҗарага әверелдерергә мөмкин. Мультсериал яшь тамашачыларга яхшы кәеф бүләк итеп кенә калмый, нәниләргә якыннарын кайгыртырга, әти-әниләрен тыңларга, дуслары белән иң яраткан уенчыклары белән бүлешергә, шулай ук аларны кыю һәм сабыр булырга өйрәтә. Премьераны дүшәмбедән-җомгага кадәр 08:10 һәм 16:10 сәгатьләрдә карагыз!

10.07.2024
«ШАЯН Галим»нең ЯҢА СЕРИЯсе дөнья күрде
Канал яңалыклары

«ШАЯН Галим»нең ЯҢА СЕРИЯсе дөнья күрде

Татар телендә нейрочелтәр ярдәмендә ясалган беренче мультфильм - «ШАЯН Галим»нең яңа сериясе дөнья күрде. Су керер өчен иң зур урын - ТЫН ОКЕАНЫ. Мультфильмның төп герое ШАЯН Галим шул хакта сөйләр. Мультфильмны «ШАЯН ТВ»ның YouTube каналында карарга мөмкин.

10.07.2024
Казанда яңа температура рекорды теркәлде
Популяр яңалыклар

Казанда яңа температура рекорды теркәлде

Казанда ике көн рәттән һава температурасы рекорды куелды. 6 июльдә көндез Казан-Сокол авиация метеостанциясендә термометр баганасы +36 градуска кадәр күтәрелде. Башкала территориясендә бу көнне югары температура 1972 елда теркәлгән, ул вакытта Казанда һава температурасы +35,6 градуска җиткән. Атмосфера фронты узганнан соң республикада аномаль эсселекне уңайлырак һава торышы алмаштырды. Хәзерге вакытта Татарстанда һава температурасы +30 градустан артмаячак дип фаразлыйлар. Сәламәтлегегезгә игътибарлы булыгыз!    

09.07.2024
Җир җиләге – табигый антибиотик
Кызыклы фактлар

Җир җиләге – табигый антибиотик

Бу көннәрдә халык татлы табигать нигъмәте – җир җиләге җыя. Аны җәй буена берничә килограмм ашасагыз, каныгыз чистарыр. Бүген әле җир җиләге көне дә билгеләп үтелә. * Җир җиләге – орлыкларын эчендә саклый торган бердәнбер җиләк. Бер җиләктә якынча 200 орлык бар. * Салкын тигән очракта җир җиләге ашау бик файдалы дип раслый табиблар. Анда магний, В төркеме витаминнары, С витамины бар. Ул табигый антибиотик булып санала. * Баллы булуына карамастан, җиләктә шикәр лимонга караганда азрак. * Халык медицинасында җиләкне баш авыртканда ашарга кушалар, чөнки аның составында аспириндагы матдәләр бар. * Җиләкне даими ашау тешләрне агартырга ярдәм итә. * Җир җиләгенең яфракларыннан витаминлы чәйләр ясарга була. Мондый чәйләргә шикәр салмаска киңәш итәләр, чөнки ул андагы файдалы матдәләрне үзләштерергә комачау итәчәк. * Җир җиләгенең төбендәге яфраклары шулай ук бик файдалы. Җиләкне блендер аша үткәрсәгез, таҗ яфраклары сизелми дә. * Җир җиләге яфрагындагы матдәләр кешене тынычландыра, организмны ныгыта.

09.07.2024
«ШАЯН ТВ»да җәйге премьера
Канал яңалыклары

«ШАЯН ТВ»да җәйге премьера

«ШАЯН ТВ»да җәйге премьера! «Барба гаиләсе» маҗараларга дәшә! Катя белән Федя авылда яшиләр, аларның шаккаткыч дуслары бар – Барба әти җитәкчелегендәге гадәти булмаган иҗади гаилә. Бу җан ияләре бакчада чәчәкләр кебек үскәннәр, алар төрле төстә һәм теләсә нинди форманы кабул итеп, үзгәрә алалар. Елмаючан алсу Барба әти – барысын да берләштерүче гаилә башлыгы. Аның хатыны Барба әни һәм салават күпере төсләрендәге балалары бар. Өстәвенә, алар яхшы күңелле, үткен һәм бик шук. Күпчелек эпизодларда әлеге гаилә гадәти булмаган юмористик ситуацияләргә эләгә: Марста ракета төзү яисә урманнан алып кайтып, өйдә яшәүче филне әти-әниләреннән яшерергә тырышу, һ.б. «Барба гаиләсе» мультсериалын эш көннәрендә 08:55 һәм 16:55 сәгатьләрдә «ШАЯН ТВ» каналында карагыз.

08.07.2024
ЛАЙФХАКЛАР
Кызыклы фактлар

ЛАЙФХАКЛАР

КАРАҢГЫДА ЙОКЛАГЫЗ Белгечләр йокы бүлмәсе тәрәзәсенә калын пәрдә эләргә куша. Чөнки йокы гормоны булган мелатонин караңгыда бүленеп чыга. Караңгыда йоклау иммунитетны күтәрә, чирләргә бирешүдән саклый. Ясалма яктылык чыганаклары барлыкка килгәнче, кешенең көнкүрешендә бары ике генә яктырткыч: көндез – Кояш, кич – Ай һәм йолдызлар гына булган. Замана кешесенең тыныч йоклый алмавына тормыштагы ыгы-зыгы сәбәпче. ИРТӘН НӘРСӘ АШАРГА? Күп кенә иртәнге ашка солы боткасы әзерли. Әмма бу зыянлы, ди белгечләр. Солы боткасында фитин кислотасы күп, ул организмның уянуын тоткарлый. Шуңа күрә солы боткасын төшке ашка ашарга киңәш ителә. Ул ашказаны-эчәк тракты эшчәнлеген яхшырта торган клетчаткага бай. Иртәнге ашка йомырка, яшел тәмләткечләр һәм тавык ите файдалы. КЫЗЫНУ КАРТАЙТА Кояш файдалы, әмма чамадан артса ул зыян да салырга мөмкин. Җәйге яллар башланырга ерак калмады, кемдер җылы якларга җыенадыр, кемдер елга буенда кызыныр, бакчада да кояш сугарга мөмкин. Табиблар кояшта кызынуның тән тиресен картайтуы хакында әйтә. Май бизләре эшчәнлеге кимү сәбәпле, тән тиресе корылана, сыгылмалылыгын югалта.

05.07.2024
Prev. 1 ... 106 107 108 109 110 ... 411 Next
Главная Программа Видео Шортс Поиск