Яңалыклар

Кыш бабай үпкәләми...

Кыш бабай үпкәләми...

“Турстат” агенствосы популяр Кыш бабайлар рейтингын төзегән. Беренче урынга Бөек Устюг Кыш бабае чыккан. Мәгълүматләргә караганда, әлеге кышкы тылсымчы белән күрешергә дип, Яңа Ел бәйрәмнәрендә, әлеге шәһәргә ел саен 300 меңләп кунак килә икән. Икенче урында кем тора дисезме? Әлбәттә, безнең үзебезнең татар Кыш бабае. Аның биләмәсе исә Арча районында урнашкан. Ул анда үзе генә түгел, ә оныгы Кар кызы белән гомер кичерә икәнен күбегез ишетеп беләсездер инде? Өченче урынга Олонец шәһәрендәге Паккайне чыккан. Аның Кыш бабае башкалардан нәрсә белән аерыла дисезме? Ул бик   яшь һәм аның спортны яратканы әллә кайдан күренә. Дөнья буйлап бик күп кышкы тылсымчыларны очратырга була. Тик аларның берсе генә рәсми Кыш бабай дип санала. Ул, беренче урынны яулаган Бөек Устюг Кыш бабае. Ләкин аңа карамастан, башка Кыш бабайлар аңа үпкәләми. Алар бик тату һәм дус кына түгел, әле бик теләп бер-берсенә кунакка да йөрешәләр, төрле бәйрәмнәрне бергә үткәрәләр. Аларның бергә җыелулары ноябрь аена туры килә.

17.12.2018
«ШАЯН ТВ» 720 сәгать эфирда!
Канал яңалыклары

«ШАЯН ТВ» 720 сәгать эфирда!

     180 сәгать уникаль контент, 720 сәгать эфир һәм бөтен дөньяга сибелеп яшәүче балалар һәм аларның әти-әниләреннән рәхмәт сүзләре! Бу – “ШАЯН ТВ”.       Бер ай эшләү дәвамында каналыбызга йөздән артык шалтыратулар килеп иреште, хатлар, киңәш-тәкъдимнәр кабул ителде. Безнең белән элемтәдә торучы һәр нәни тамашачыбызга рәхмәт сүзебез.       Shayantv.ru сайтына керүчеләр саны да артканнан арта. Хәзер сайт белән татар һәм рус телләреннән тыш инглиз телендә дә танышып була.       Һәрвакыт безнең яңалыклар үзәгендә бул! Тапшыруларыбызда катнаш! Үзең турында язып, shayantv@mail.ru электрон почтасына мәгълүмат җибәр

14.12.2018
Лайфхак - Җыючы ролик

Лайфхак - Җыючы ролик

Ялгыш кына сәйлән яки ялтыравыклар чәчеп җибәргәнсең һәм әти -әниең күреп орышыр дип куркасың?  Без сиңа  ярдәм итәрбез, дөресрәге ярдәмгә киемнән чүп җыючы махсус ролик ярдәмгә килер. Сиңа бары тик әлеге ролик белән сәйлән чәчелгән өслек буйлап узырга кирәк.  Һәм барысы да әзер! Менә шулай \(^_^)/

10.12.2018
Кар бөртекләре ни өчен бии?
Популяр яңалыклар

Кар бөртекләре ни өчен бии?

Дуслар, күрдегезме, кар ява !!! Урамда талгын гына, матур кар бөртекләре бөтерелеп-бөтерелеп бии. Ә сез карның ничек барлыкка килгәнен беләсезме? Белмәсәгез, әйдәгез бергәләп өйрәник! Җир шарының күп өлешен елгалар, күлләр, океан һәм диңгезләр тәшкил итә. Әлеге сулыклар парланып, күккә таба юл ала. Соңрак алар суынып, кечкенә тамчыларга әвереләләр. Җылы көнне алар яңгырга, ә салкын вакытта исә кристаллга әйләнеп, кар булып кире безнең янга төшәләр.  Хәзерге вакытта урамда нигә кар яуганын аңлагансыздыр инде? Оһ, чана һәм чаңгы шуар вакыт та якынлаша икән... 

02.12.2018
Баш мие «уянып» китә...

Баш мие «уянып» китә...

Күпләр авыз ачып, иснәп утырган кешенең йокысы килә дип уйлыйлар. Бер яктан әлеге фикер дөрес.. Безнең баш мие яхшы эшләсен өчен, аңа күпмедер күләмдә һава кирәк. Ләкин кайбер вакытта: кысан бүлмәдә, дулкынландыргыч мизгелләрдә баш миенең һавага мохраҗлыгы арта һәм ул безгә “һава җитми” дип сигнал бирә. Шул вакыт без авызны ачып иснибез. Иснәгәннән соң безнең организмга өстәмә һава керә, шуннан соң безнең баш мие “уянып” , “иркен сулап” куя.               Күптән түгел галимнәр безнең ни өчен иснәгәннең тагын бер үзенчәлеген тапканнар. Кайбер вакытта безнең баш мие шуның кадәр тиз эшли башлый һәм аны әз генә суытырга кирәк була. Беләсеңме ул вакытта баш мие нишли? Дөрес, ул безгә һава суларга фәрман бирә. Белгечләр фикеренчә, иснәү организм өчен бик файдалы. Чөнки без өстәмә һава сулап: организмы тынычландырабыз, баш миен әз генә булса да суытабыз, упкәләребезнең эшен дә җиңеләйтәбез, шулай итеп кәефебезне дә күтәрәбез. Шуңа күрә белгечләр иснисең киләгән вакытта тыелып тормаска куша.  Әйдә, рәхәтләнеп бер иснәп ал әле...

26.11.2018
Лайфхак - җилем

Лайфхак - җилем

Сәлам, дустым! Бүген мин сине лайфхакларга өйрәтергә булдым.   Кул эшләре белән шөгыльләнгән вакытта сиңа бер хәйлә ярдәмгә киләчәк.   Кара һәм безнең арттан кабатла!   Аның өчен сиңа: 1) җилем 2) губка  3) кәгазь      Юеш губкага бераз җилемне тамызасың һәм үзеңә кирәк күләмдә генә сылап аласың.   Бу очракта җилемнең артык агып чыгып өстеңне пычрату ихтималы әзрәк булачак.

23.11.2018
Prev. 1 ... 374 375 376 377 378 Next
Главная Программа Видео Шортс Поиск