Яңа ел бәйрәмнәренә бәйге!

Без Г.Кариев @teatr_g.karieva исемендәге театр белән берлектә 21-29 декабрьдә һәм 2-4 гыйнвардә узачак «Питер Пэн» спектакле премьерасына 2 кешелек 2 чакыру билеты уйнатабыз. 1. @shaiantv һәм @teatr_g.karieva аккаунтына языл! 2. Пост астында комментарий калдырыгыз (чикләүсез)! Һәм без махсус программа ярдәмендә 24 нче декабрь җиңүчеләрне билгеләрбез.⠀ ⠀ #шаянтв #шаянтвкарабулырсыңшәпбала #театркариева #театрказань #детскийспектакль #татарстан #минниханов #татарлар #казань #новыйгод2020

«ШАЯН ТВ» Чаллыда кунакта!

20 декабрь көнне без, «ШАЯН ТВ» каналы хезмәткәрләре, Яр Чаллы шәһәрендә булдык. Безнең һәр очрашу онытылмаслык булып уза. Бүгенгесе дә искәрмә түгел. Иртәбез «Күңел» радиосының «Күңелле иртә» тапшыруында башланды. Радиотыңлаучыларны «ШАЯН тәҗрибәләр» тапшыруын алып баручы «ПРОФ-И» Илназ Сибгатуллин белән каналыбызның PR-бүлеге белгече Руслан Хафизов сәламләде. Алар канал эшчәнлеге белән дә таныштырды, телевидение серләрен чиште. Чаллының 54 номерлы мәктәбе укучылары, укытучылар да зурлап каршы алды безне. «Моңлы курай» ансамбле татар көйләренә бик матур поппури белән сөендерде. Укучылар әзерләгән шигырьләрне дә тыңлап хозурландык. Безнең өчен, әлбәттә, иң куанычлысы: «ШАЯН ТВ» каналын укучылар ярата. Бүген дә рәхәтләнеп аралашып, танышып, төп героебыз Шаян белән истәеккә бик күп фотолар ясап кайттык. Рәхмәт, Яр Чаллы. Дуслык күперенең нык булачагына ышанабыз!

Джунгли серләрен ачабыз!

“ШАЯН ТВ”дан янәдән премьера! Иң якын дуслары өчен каналыбыз “Джунгли дөньясы” дигән өр-яңа документаль фильм әзерләде. Ике ел дәвамында Җир шарының иң экзотик һәм ерак урыннарында төшерелгән кадрларны сез дә күрә аласыз! Соңгы орангутаннар яши торган Борнео джунглиеннан башлап, Мадагаскарга, соры аю кышлый торган фин тайгасыннан Крюгер паркының Көньяк Африка куагына, Коста-Рика джунглиеннан Дунай елгасы ярларындагы кызыл урманнарга кадәр яшеренгән табигый серләр дөньясына рәхим итегез!

11 көн!

Күңелле иртә

20 декабрьдә сезнең иртә, һичшиксез, күңелле башланачак! Чөнки Яр-Чаллы шәһәреннән "Күңел" радиосында "ШАЯН тәҗрибәләр" тапшыруын алып баручы "ПРОФ_И" Илназ Сибгатуллин барыбызга да сәлам җибәрәчәк! Каналыбыз эшчәнлеге, тапшырулар, гомумән, "ШАЯН ТВ" дөньясы белән таныштырачак! Радионы онлайн дөньяның бөтен почмагында да тыңлап була,шуңа күрә иртәнге  8:00 сәгатьтә " Күңелле иртә "тапшыруын ишетми калмагыз!

Кыш көне яңгыр яуса...

Дуслар, сез сынамышларга ышанасызмы? Безнең «Кичке әкиятләр» тапшыруын алып баручы Мәрьям ышана. Күзәтеп тә бара икән әле. Кызык өчен генә булса да, Мәрьям әйткән сынамышларны сез дә тикшереп карагыз. Табигать – ул китап кебек. Анда бик күп серләр яшеренгән! Ышанмыйсызмы? Алайса үзегез күзәтеп карагыз әле! ·        Ябалак кар яуса, аннан соң һава җылы, юеш булыр. ·        Әгәр кар вак кына бөртекле, сирәк кенә төшкәләсә, бик озак суык булыр. ·        Кыш күп карлы булса, җәй яңгырлы булыр. ·        Кыш көне яңгыр яуса, икмәк булыр. ·        Тычкан һәм Елан елларында бал күп булыр. ·        Декабрьдә кар аз булса, җәй коры килә. ·        Декабрьдә кара каргалар күренә икән, кыш җылы була. Ничек кенә булмасын, кыш көне үтәләсе максатлар турында онытмагыз! Күп итеп кар яусын, дип телик. Рәхәтләнеп дуслар белән карда аунап уйныйсы, чаңгы-чанада шуасы, Кар бабай ясыйсы килә! Һәр көнегезне күңелле уздырыгыз, дуслар!

Театрда бер көн

18 декабрьдә «ШАЯН ТВ» каналы алып баручыларының көне маҗаралы үтте, дисәк һич ялган булмас. Ни өчен, дисезме? Алар бүген театр сәнгатенең кайбер серләрен чишеп кайтты.  Кәрим Тинчурин театры артистлары «ШАЯН»лылар өчен остаханәләр уздырды. Грим ясау серләренә дә төшенде яшь алып баручыларыбыз. Артистлар истәлекле бүләкләр, спектакльләргә билетлар тапшырды. 

Яңа елга 13 көн калды.