«Телләр белгән - илләр гизгән!»

Буыннар чылбыры....

Дуслар, безнең инстаграмда 9 майга багышланган флешмоб игълан ителде! Тизрәк керегез һәм катнашыгыз! Посмотреть эту публикацию в Instagram Публикация от Детский канал "ШАЯН ТВ" (@shaiantv)

Без – Тукайлы халык!

Бүген татар халкының сөекле улы – бөек шагыйребез Габдулла Тукайның тууына 135 ел булды. Кыска гына, әмма йолдызлардай якты гомер кичергән милләтәшебез үзеннән соң үлемсез мирас итеп калдырган үлемсез әсәрләре безне кечкенәдән үк серле әдәбият дөньясына алып керә һәм гомер буе юлдашыбыз булып бара! “Без – Тукайлы халык” дип горурланып яшик! Посмотреть эту публикацию в Instagram Публикация от Детский канал "ШАЯН ТВ" (@shaiantv)

«Союзмультфильм» Шаян белән танышты!

Бүген безгә кунакка «Союзмультфильм»  киностудисе директоры Борис Машковцев килде!  Борис Александрович «ШАЯН ТВ» каналы эшчәнлеге белән танышты, алып баручыларыбыз белән мультфильмнар турында аралашып алды, файдалы киңәшләр бирде! Шаяныбыз белән истәлекле фотога да төште! Кыскасы, очрашу бик шәп үтте! тулырак тиздән безнең каналда!

Телебезне сөюче яшь йөрәкләр!

Бүгенге көннәрдә Казанда Татар теленнән VIII Халыкара олимпиада уза. Бәйгегә туган телебезне, әдәбиятебезне сөюче яшь йөрәкләр җыела!  Бу елны олимпиадада Россиянең 28 төбәгеннән катнашучылар килде, ә чит ил укучылары өчен белемнәрен дистанцион форматта сынап карарга мөмкинлек булдырылды. Туган телебезне иң яхшы белүчеләрне котларга Татарстан Республикасы Президенты Рөстәм Минниханов та килде. Бәйге зур бәйрәм белән тәмамланды. Татар теленнән VIII Халыкара олимпиада җиңүчеләрен һәм призерларын бүләкләү тантанасы бүген, 23 апрельдә, Казанда Идел буе дәүләт физик культура, спорт һәм туризм университетының концертлар залында узды. Беренче татар балалар телеканалы да әлеге масштаблы чараны уздыруга үз өлешен кертте. Телеканал командасы олимпиада катнашучылары өчен презентацияләр һәм мастер-класслар оештырды, ә бәйрәм концертында «Балачак җыры» бәйгесендә җиңү яулаган җыр яңгырады. Аны «Сәйлән» музыкаль фестивале җиңүчесе Амелия Феофанова башкарды.

Финал!

Бүген, 22 апрель көнне, 11:00 сәгатьтә Г.Тукай исемендәге Татар дәүләт филармониясендә «Милли MUlLTFEST» Республика Балалар кинофестивале җиңүчеләрен бүләкләү тантанасы узды!  Әлеге күркәм чараны уздыруга беренче татар балалар телеканалы да үз элешен кертте! Финалистларны каналның төп геройлары каршы алды, махсус фотозона оештырылды, ә Тамашачы мәхәббәтенә лаек булган җиңүчеләргә «ШАЯН ТВ» махсус бүләкләр әзерләде!

Туры эфирда тавыш бирү!

«Тамашачы мәхәббәте»нә лаек булган 2 җиңүченең исеме 2021 елның 21 апрелендә эфирда игълан ителәчәк. Татарстан Республикасы Президенты каршындагы Татар телен саклау һәм үстерү мәсьәләләре комиссиясе ярдәмендә үтүче «МИЛЛИ МУЛЬТFEST» Республика балалар кинофестиваленең II этап тавыш бирү чарасы shayantv.ru сайтында 2021 елның 21 апрелендә 14:00 cәгатьтә ТУРЫ ЭФИРДА узачак. Турыдан-туры эфир барышында «МИЛЛИ МУЛЬТFEST» Республика балалар кинофестиваленең “Тамашачы мәхәббәте”нә лаек булган 2 җиңүченең исеме билгеле булачак. Эфир дәвамында shayantv.ru сайтында тавыш бирү булачак. Рәсми сайтыбызга кереп туры эфирга кушылыгыз һәм тавыш бирегез.

Нәтиҗәләр!

Татарстан Республикасы Президенты каршындагы Татар телен саклау һәм үстерү мәсьәләләре комиссиясе ярдәмендә үтүче «МИЛЛИ МУЛЬТFEST» Республика балалар кинофестиваленең I этап тавыш бирү чарасы тәмам! Сезнең игътибарыгызга II этапка чыгучы эшләр исемлеге: Кыска метражлы фильмнар:  1. «ЗУР ЙӨРӘКЛЕ НӘНИ ЧЫПЧЫК» Теләче - 1763 (7.72%) 2. «КҮРЕНМӘС» Сарман - 1311 (5.74%) 3. «НӘСЕЛ ҖЕБЕ» Арча - 1097 (4.80%) 4. «КЫЗЫЛ ЧӘЧӘК, АК ЧӘЧӘК»  Актаныш - 994 (4.35%) 5. «ТАТАР ТЕЛЕН ӨЙЛӘРДӘ ЯШЕРЕП САКЛАМЫЙК» Балтач - 529 (2.32%) 6. «ҖАВАПЛЫЛЫК ВАКЫТЫ» Азнакай - 475 (2.08%) 7. «ХИКМӘТЛЕ ЧҮЛМӘК» Спас - 359 (1.57%) 8. «МӘКТӘПКӘ ӘЗЕРЛӘНЕРГӘ ЯРДӘМ ИТ» Мөслим - 293 (1.28%) Мультфильмнар: 1. «БЕЗНЕҢ ГАИЛӘ» Арча - 3277 (14.34%) 2. «ТИМУРНЫҢ ШҮРӘЛЕНЕ УКЫРГА ӨЙРӘТҮЕ» Биектау - 2851 (12.48%) 3. «ДУСЛЫК СЕРЕ» Яр Чаллы - 2217 (9.70%) 4. «ЧИТЕК МАҖАРАЛАРЫ» Буа - 1308 (5.73%) 5. «ЭШ БЕТКӘЧ УЙНАРГА ЯРЫЙ» - 981 (4.29%) 6. «МАЭМАЙ». Алабуга - 698 (3.06%) 7. «ДҮРТ ЕЛ ФАСЫЛЫ». Бөгелмә - 697 (3.05%) 8. «ШҮРӘЛЕ». Балык Бистәсе - 558 (2.44%)