Яңалыклар

«Нәни өйләр» мультсериалын карагыз!

«Нәни өйләр» мультсериалы кабат эфирда! Сөйләшә белүче өйләр турында гаҗәеп мультсериал сезнең барыгызның да күңеленә хуш киләчәк! Гриша – тәгәрмәчтә йөрүче искиткеч күңелле өй. Һәр сериядә ул яңа сәяхәткә китә, ә аннары үз кичерешләрен дуслары – мәктәп-өй Маша, бакча-өй Вася һәм күпькатлы йорт Петя белән уртаклаша. Гришага меңнәрчә чакрым юл узарга һәм төрле илләрдә булырга туры киләчәк. Һәр илдә Гришаны маҗаралар, яңа ачышлар һәм танышулар көтә. Дүшәмбелән-җомгага кадәр «Нәни өйләр» мультсериалын 13:40 һәм 21:40 сәгатьләртә «ШАЯН ТВ» каналында карагыз!

15.08.2022

«Эра талантов» фестиваленә гаризалар кабул итү дәвам итә!

Дуслар, «Эра талантов» бәйгесенә гаризалар кабул итү дәвам итә! Нибары ярты ай вакыт калып бара! Катнашырга ашыгыгыз! Әлеге Халыкара конкурс балалар һәм яшүсмерләрнең халык җырларын башкару фестивале булып тора. Ул 2 турда уза һәм бөтен Россиядән һәм БДБ илләреннән халык җырлары жанрында эшләүче иҗат коллективларын үзенә туплый. Беренче тур кысаларында мәртәбәле жюри видеоязмалар буенча 60 коллективны икенче турга сайлап алачак. Әлеге катнашучылар 2022 елның 11 ноябрендә Халыклар бердәмлеге көненә багышланган чаралар кысаларында Казанда узачак фестивальнең финалына чакырылачак. Фестиваль түбәндәге номинацияләрдә үткәрелә: халык җыры, фольклор, халык стилизациясе, вокаль-инструменталь ансамбле (халык уен кораллары), халык җырына видеоклип. Бәйгедә катнашу түләүсез. 1 турда катнашу өчен гаризаны 2022 елның 1 сентябренә кадәр сайтта бирергә мөмкин. Фестивальнең нигезләмәсе һәм тулырак мәгълүмат белән eratalantov.ru сайтында танышырга була. Барлык милләтләрне берләштерүче мондый зур чарадан сез дә читтә калмагыз!

12.08.2022

«Простоквашино»!

«ШАЯН ТВ» каналы яраткан тамашачыларын премьералары белән сөендерүен дәвам итә! Күпләребез балачактан яратып өлгергән «Простоквашино» мультсериалы бүгеннән эфирда! Дүшәмбедән-җомгага кадәр 07:55 һәм 15:55 сәгатьләрдә «ШАЯН ТВ» каналында карамый калма!

12.08.2022

«Watch Car лигасы. Чемпионнар ярышы» эфирда!

Киләчәк тормышта булачак уенчык машиналар югары ставкалы ярышларда көч сынаша. Әлеге турнирда катнашучыларга кыю, батыр йөрәкле Джино да үзенең акыллы дусты BlueWill белән кушылачак. Аларны трассада беренчелек өчен генә түгел, бөтен WatchCar лигасын саклап калу өчен дә көрәш көтә. Джино җиңү турында хыялланыр иде, әмма әлегә ул барлык ярышларда да тырышып катнаша һәм гади уенчы булып кына кала. Аның белән бергә тамашачылар WatchCar турнирларында катнашу мөмкинлеге бирә торган хыялга һәм дөньякүләм популярлыкка юл нинди тырышлыклар таләп итүен беләчәкләр. Киләчәкнең югары технологияләре, көндәшлек рухы һәм гап-гади геройларның уй-хисләре турында «Watch Car лигасы. Чемпионнар ярышы» мультсериалын карап беләчәксез! Дүшәмбедән-җомгага кадәр 11:30 һәм 19:30 сәгатьләрдә «ШАЯН ТВ» каналында кара!

11.08.2022

Җилләргә ияреп!

Дуслар, бүген җил көне билгеләп үтелә икән! Көннәр бик эссе тора. Мондый көннәрдә барыгыз да: «бераз гына булса да җил исеп үтсә иде», - дип телисездер, мөгаен. Шул уңайдан, җил турында матур шигырь белән дә танышып китик! Болытларны тарата җил, Сафландыра һаваны, Шуңа микән көн билгеләп Бәйрәм итәләр аны. Бер урында явар иде Яңгырлар да, кары да, Җил тарата бит аларны Төрле-төрле якларга. Җылы йомшак җилләр иссен, Иркәләсен чәчләрдән, Күңел күтәренке булсын, Шифа алыйк җилләрдән. Җилне файдага кулланыйк, Зыянкайлар салмасын, Афәт күрергә язмасын, Аллакаем сакласын! Фәймә Зәйнуллина

10.08.2022

ИГЪТИБАР, БӘЙГЕ!

Синең үзеңне телеэкраннарда күрәсең киләме? Димәк, «Бергәләп өйрәник» бәйгесе нәкъ синең өчен! «ШАЯН ТВ» каналы үзенең ВКонтакте битендә бәйге игълан итә! Кагыйдәләре бик гади! Конкурсның шартлары белән безнең ВКонтакте сайтында таныша аласыз! Кер, катнаш, үз бәхетеңне сынап кара! Унышлар сиңа, дустым!

10.08.2022

Бүген – Бөтендөнья китап яратучылар көне!

Бүген – Бөтендөнья китап яратучылар көне! Галимнәр фикеренчә, китаплар укып, баш миен гел эшләтеп торган очракта фикерләү сәләте арта. Бүгенге көндә китап укырга вакытыбыз юк, дибез. Алдагы фикерләр сезгә аз гына булса да вакытыгызны китап укуга багышларга ярдәм итәр. * Китап уку сүзлек байлыгын арттыра. Укыганда без, яңа сүзләр очратып, аларны үз сөйләмебездә куллана башлыйбыз. * Китап уку кешеләр белән аралашырга ярдәм итә. Күп укыган кеше дөрес, матур итеп сөйләргә өйрәнә. * Китап уку үз-үзеңә ышанычны арттыра. Әңгәмә барышында күп белүен сизгәндә кешенең үз-үзенә ышанычы арта. * Уку стрессны киметә. Ул тынычландыру үзлегенә ия. * Уку хәтерне һәм уйлау сәләтен яхшырта. Китап укыганда язылган фикерне аңлар өчен без баш миен эшләтәбез. * Китап уку альцгеймер авыруыннан саклый. Галимнәр фикеренчә, күп укыган кешедә бу чир сирәгрәк очрый. * Китап уку картаймаска ярдәм итә. Баш мие картайган саен кеше организмы тизрәк картая икән. * Китап уку иҗади шәхес булырга ярдәм итә. Китаплар илһам чыганагы булып тора. * Китап уку йокыны яхшырта. Йоклар алдыннан даими рәвештә китап укысагыз, яхшы гына йоклап китәчәксез.

09.08.2022

«Здравствуйте» тапшыруында кунакта!

Бүген «ШАЯН ТВ» каналының PR-бүлеге хезмәткәре Руслан Хафизов «ТНВ» каналында баручы «Здравствуйте» тапшыруында кунакта булып кайтты. Туры эфирда «Бәллүр каләм» – «Хрустальное перо» XXV журналистика һәм масса-медиа өлкәсендәге Республика бәйгесендә «ШАЯН ТВ» каналының «Популяр блогер» номинациясендә җиңүе хакында әңгәмә алыштылар.

09.08.2022

1 ... 192 193 194 195 196 ... 378

Яңа сайт!