Яңалыклар

«ТАТАР СҮЗЕ» бәйгесенә гаризалар кабул итү дәвам итә!

«ТАТАР СҮЗЕ» бәйгесенә гаризалар кабул итү дәвам итә!

«ТАТАР СҮЗЕ» өченче Халыкара нәфис сүз телевизион бәйгесенә гаризалар кабул итү дәвам итә. Бик күп видеолар килә. Шуларның кайберләрен сезгә дә тәкъдим итәбез! Ә сез аларны карап кына калмагыз, иң яхшысы - видеоларыгызны безгә җибәрегез! Премиаль фонд саллы - 1000 000 сум! Эшләрегезне [email protected] почтасына юллагыз. Сораулар буенча 8(917)391-07-87 WhatsApp номерына мөрәҗәгать итә аласыз.

13.10.2022
Салават Фәтхетдинов «Сәйлән» фестивале хакында ни уйлый?

Салават Фәтхетдинов «Сәйлән» фестивале хакында ни уйлый?

Танылган артистлар «Сәйлән» телевизион җыр фестивале хакында ни уйлый? Татарстанның халык артисты, фестивальнең жюри әгъзасы Салават Фәтхетдинов: «Бик зур рәхмәт сезгә! Балалар Илһам абый Шакиров тарафыннан гына башкарыла торган, сирәк тыңлана торган җырларны сайлаганнар. Шундый катлаулы репертуар. Шаккатасың! Афәрин! Чөнки бу, ничек әйтсәң дә, финал. Барысы да бер дәрәҗәдә! Чын күңелдән сөенеп утырдым. Күпме генә татар теле бетә дип сөйләсәк тә, сөйләп түгел, эшләп күрсәтергә кирәк. Сез турыдан-туры шуны эшлисез дә!» - дип «ШАЯН ТВ» каналына югары бәясен бирде халкыбызның яраткан җырчысы. Ә без исегезгә төшерәбез, «Сәйлән» фестивале катнашучылары өчен тавыш бирү дәвам итә! «Тамашачы мәхәббәте» номинациясендә җиңүчене ачыкларга ашыгыз һәм сылтама буенча тавыш бирегез!

12.10.2022
Без «ТЭФИ-KIDS 2022» финалында!

Без «ТЭФИ-KIDS 2022» финалында!

Дуслар, шатлыклы хәбәребез бар! Каналыбызның «Кичке әкиятләр» тапшыруы алып баручысы Ләйлә Таишева «Иң яхшы алып баручы» номинациясендә Россиянең телевизион «ТЭФИ-KIDS 2022» милли премиясенең финалына чыкты. «Кичке әкиятләр» тапшыруының мөхәррире – Чулпан Зәйнуллина. Бәйгенең финалы һәм бүләкләү тантанасы исә 17 октябрь көнне Мәскәүдә узачак. «ШАЯН ТВ» каналын җиңүе белән ихлас котлыйбыз! Бу – зур команданың зур хезмәте! Алга таба бөек үрләр һәм финалда уңышлар телибез!

11.10.2022
«ТАТАР СҮЗЕ» бәйгесенә килгән эшләрне тәкъдим итәбез!

«ТАТАР СҮЗЕ» бәйгесенә килгән эшләрне тәкъдим итәбез!

«ТАТАР СҮЗЕ» өченче Халыкара нәфис сүз телевизион бәйгесенә гаризалар кабул итү дәвам итә. Бүгенге көндә бик күп видеолар килә. Жюри әгъзалары фикерләрен туплый торган арада, аларның кайберләрен сезгә дә тәкъдим итәбез! Сездән дә видеолар көтеп калабыз! Эшләрегезне [email protected] почтасына юллагыз. Сораулар буенча 8(917)391-07-87 WhatsApp номерына мөрәҗәгать итә аласыз. Тулырак мәгълүмат shayantv.ru һәм tnv.ru сайтларында.

11.10.2022
«Сәйлән» фестиваленең тавыш бирү этабы старт ала!

«Сәйлән» фестиваленең тавыш бирү этабы старт ала!

Дуслар, бүген «Сәйлән» музыкаль фестиваленең тавыш бирү этабы старт ала! 16 катнашучы арасыннан «Тамашачы мәхәббәте»н яулаган җырларны нәкъ менә сез сайлап алачаксыз! Ничек итепме? Әлеге сылтама аша узыгыз яки сайтыбызның баш битендә «Сәйлән» төймәсенә басыгыз, катнашучыларның видеоларын карагыз һәм яраткан җырчыгызны сайлагыз! Нәтиҗәдә «Тамашачы мәхәббәте»нә лаек булган җиңүчене ачыкларбыз! Тавыш бирү 2022 елның 24 октябренә кадәр дәвам итәчәк! Нәни йолдызларыбыз өчен тавыш бирергә ашыгыйк!

10.10.2022
«Сәйлән» фестиваленең финалистлары билгеле!

«Сәйлән» фестиваленең финалистлары билгеле!

Дуслар, ниһаять! Күптән көткән мизгел! «Сәйлән» балалар телевизион җыр фестиваленең дүртенче сезонының финалистлары билгеле! Менә ул бәхетлеләр исемлеге: 1. Асылъяр Асылхуҗина (Әлмәт) 2. Сәет Галиуллин (Казан) 3. Самир Камалов (Чистай) 4. Әминә Мортазина (Казан) 5. Иван Пугачев (Казан) 6. Динә Хәбибуллина (Казан) 7. Илназ Харисов (Яр Чаллы) 8. Рөстәм Хөсәенов (Казан) Нәни йолдызларыбызны тәбрик итәбез һәм киләсе этапка узулары белән ихлас котлыйбыз! Әле моның белән генә бетми! Алар өчен татар эстрадасының танылган артистларыннан, тәҗрибәле актерлардан вокал, актерлык осталыгы, сәхнә образы буенча төрледән-төрле файдалы танып-белү остаханәләре уздырылачак. Алда әлеге катнашучыларыбызны яңадан-яңа сынаулар көтә! Җиңү җиңелдән генә бирелми! Болар барысы да лаеклы «Сәйлән» статуэткасын алу өчен! Ә алда ниләр буласын күрәсегез килсә, безнең яңалыкларыбызны күзәтеп барыгыз! Һәр якшәмбе «ШАЯН ТВ» каналында «Сәйлән» фестиваленең яңа чыгарылышын карап, үзегезгә ошаган җырчы өчен җан атыгыз һәм, әлбәттә, кушылып җырлагыз! Безнең белән бергә булыгыз!    

10.10.2022
Prev. 1 ... 177 178 179 180 181 ... 375 Next
Главная Программа Видео Шортс Поиск