Телевидение өлкәсендә кайнаучы...

Кече яшьләрдән үк телевидение өлкәсендә кайнаучы, «ШАЯН ТВ» каналының тәҗрибәле яшь алып баручысы Мәликә белән әңгәмә корып алдык. - Мәликә, «ШАЯН ТВ» үзенең киңлекләрен зурайта. Әлеге каналда эшләү дәверендә син үзеңдә дә рухи үсеш сизәсеңме? - Дөрестән дә, «ШАЯН ТВ» да һәр бала үзенең күңеленә хуш килгән нәрсәне таба ала. Хәтта мин дә «ШАЯН ТВ» да эшли башлаганнан бирле, үземә охшаган кайбер мультфильмнарны билгеләп куям, вакытым булганда аларны рәхәтләнеп карыйм. «ШАЯН ТВ» мине үзгәртте. Биредә мине үстерделәр, ныклы тәрбия бирделәр, телевидения серләренә төшендерделәр. Мин рухи яктан да үстем һәм бик күп һөнәрләрне үзләштердем. Моның өчен мин «ШАЯН ТВ» га бик рәхмәтлемен! «ШАЯН ТВ» каналына һәр яңа башлангычында бары уңышлар гына телибез. «ШАЯН ТВ» кара – булырсың син шәп бала! ГЫЙЛЕМХАНОВА РАНИЯ КФУ студент

... барсы да әйбәт!

Ирада Хафиҗан кызы бездә кунакта

28 март көнне «ШАЯН ТВ» студиясендә үзенә күрә бертөрле бәйрәм рухы хөкем сөрде. Яшь каналның алыштыргысыз алып баручылары, балалар түземсезлек белән зур кунакны көтәләр. Кем дисезме? «ШАЯН ТВ»да кунакта Татарстан Республикасының Мәдәният Министры Ирада Хафиҗан кызы Әюпова кунак булды. Мәртәбәле кунагыбызны «ШАЯН ТВ» каналында баручы төрледән төрле кызыклы программалар белән якыннан таныштырдылар. Каналның яшь алып баручы малайлары һәм кызлары белән күңелле әңгәмәдән соң, иллюзионист Роман Әхмәтшин Ирада Хафиҗан кызын һәм барлык балаларны таң калдырырлык фокуслары белән шаккаттырды. Биредә иң тырыш, акыллы, тәрбияле балалар җыелган. Вокал һәм төрле музыка уен коралларында уйный белүче балалар татарча милли көйләрен сузып җырладылар, үзләренең талантларын күрсәттеләр. Алдагы мәйданчыкта балаларны сәламәт яшәү рәвешенә өндәүче программаны тәкъдим иттеләр. «Тиззарядка» тапшыруының алып баручысы Илүзә кунагыбыздан: «Ә сез көндә иртән физик күнегүләр ясыйсызмы?» дип сорагач, Ирада Хафиҗан кызы: «Кызганыч, юк шул. Ләкин моннан соң һәр иртә ясый башлармын» дип җавап кайтарды. «ШАЯН ТВ» гел үсеш-үзгәрештә. Хәзергесе вакытта ныклап өр-яңа проект өстендә эш башланган. Проектның исеме – «Караш». Бу тапшыру татар телевидениясе өчен яңалык. Ул беренче «Караш» реалити-шоу тапшыруы балаларны яңа заман таләпләренә туры килгән музыка тудыруны, булачак йолдызларның нинди авырлыклар белән очрашуын һ.б. карарга чакыра. Моннан тыш, ничә буын балаларның иң яраткан Дәү Әнисе, Йомшак песи дә кунагыбызны җылы сүзләре белән каршы алдылар. Ирада Хафиҗан кызы әлеге бәйрәм атмосферасында нәни булуларына карамастан, зур эшләр башкарып чыгучы балаларага ихлас рәхмәтләрен һәм изге теләкләрен җиткерде:         Балалар, сезгә бары бәхет, сәламәтлек, укуларыгызда һәм киләчәгегездә уңышлар телисем килә. Әти-әниләрегезнең тәрбиясендә иркәләнергә язсын. Балачак бик тиз үтә, аның кадерен белеп калыгыз. Бүгенге көндә сезгә үзегезне шәхес буларак үстерү өчен барлык мөмкинлекләр дә булдырылган. «ШАЯН ТВ» гел дә яңалыкларга омтыла, төрле кызыклы проектлар өстендә эшли. Һәр башлаган эшегез уңышка китерсен! Дөрестән дә, биредә балалар арасында дустанә мөнәсәбәт, бер-береңә карата хөрмәт хисләре хөкем итә. Мондый тәрбияле, укымышлы, талантлы балалар булганда, «ШАЯН ТВ» каналының киләчәге бар! ГЫЙЛЕМХАНОВА РАНИЯ КФУ студент

Гаҗәпләнү

Сак-Сок

Яшәгән, ди, ир белән хатын. Аларның бер улы белән бер кызы булган, ди.  Балалары бер дә дус яшәмәгәннәр, вак-төяк аркасында да еш кына талашканнар, хәтта сугышканнар да.  Бу хәл әниләрен бик борчуга салган. Ул аларны дус яшәргә ничек кенә үгетләмәсен, балалары барыбер аны тыңламаганнар. Бер көнне ире урманга ауга киткәч, хатыны намаз укырга утырган.  Балалар шул вакыт тимер ук табып, шуның өчен тарткалаша башлаганнар, аннан сугышырга тотынганнар, әниләренә намаз укырга комачаулаганнар.  Әниләре чыгырыннан чыккан, аларны: «Сак-Сок булыгыз!» — дип каргаган. Шул ук минутта балалар кошка әверелгәннәр.  Намаздан соң әниләре кыл­ганына үкенеп елый башлаган.  Балалары аның янына очып килеп, гафу итүен үтенгәннәр. Әниләре гафу иткән, ләкин балалары элекке хәлләренә кайта алмыйча, кош булып калганнар.

Уклау

Халыкара театр көне белән!

Бу матур бәйрәм бөтен дөнья буенча 1961 елның 27 мартынан бирле билгеләнгәнеп үтә. Театр сәнгате төрле халыклар арасында дуслыкны арттыра, берләштерә, халкыбызның рухын ныгыта, теленә, гореф – гадәтенә мәхәббәт уята. Безнең «ШАЯН ТВ» каналында да театрга зур әһәмият бирелә. Һәр атна шимбә көнне без нәни дусларыбыз белән спектакль карыйбыз. Безнең каналыбыз белән бергә булыгыз! 

Гаилә