«Зу-зу»

«Зу-зу» мультсериалы. «ШАЯН ТВ» каналында дүшәмбедән-җомгага сәгать: 6:15, 12:15, 18:15.

21 ноябрь – Бөтендөнья телевидение көне

21 ноябрь – Бөтендөнья телевидение көне. Моннан 100 еллар элек кешеләрнең телевидениесез яшәвен күз алдына да китереп булмый. Без бөтен яңалыкны аннан алабыз, телевизор карап ял да итәбез, күңел дә ачабыз. Телевидение дөньясында чикләр юк, ул безне берләштерә! Көн саен заман таләпләре арта тора, интернет тормышыбызга ныграк үтеп керә, әмма телевидение барыбер үз әһәмиятен югалтмый! Хәзер нинди генә телеканаллар, тапшырулар юк! Шулар рәтендә беренче татар телендә тәүлек буе эшли торган балалар каналы “ШАЯН ТВ” да булу – безнең һәммәбез өчен зур шатлык! Телевидение күгендә Балкый яңа шаян йолдыз. Үзең белән бергә тагын Нәни йолдызларны кабыз!   Туган тел сагында "ШАЯН ТВ" – Балаларның берләшү мәйданы. Безнең белән үссен "ШАЯН ТВ", Дөньяга таралсын даны! Барыгызны да уртак бәйрәмебез белән котлыйбыз, дуслар!

Салкын, саф һава!

Салкын, саф һава  Салкын, саф һава, Йомшак кар ява. Урамга чыксаң, Битләр кызара. Кар бөртекләре Өстеңә куна, Үзләре матур Һәм салкын була.       (Ә.Бикчәнтәева)

Балалар - тормыш чәчәге

Бүген, 20 ноябрь көнне, Бөтендөнья балалар көне билгеләп үтелә.  Балалар – җәмгыятебезнең иң саклауга һәм яклауга мохтаҗ әгъзалары. Алар ныклы тәрбиягә, яхшы тормыш шартларына лаек.  Әлеге бәйрәм уңаеннан, бик күп илләрдә төрле хәйрия акцияләре уздырыла. “ШАЯН ТВ” каналы да мондый чаралардан читтә калмый. Бүген без Анжела Вавилова исемендәге Казан хосписына бардык. “ПК” ҖЧҖ белән берлектә уздырылган балалар бәйрәмендә күңелле уеннар оештырдык, бүләкләр тапшырдык. Берничә мизгелгә генә булса да балаларның күңелен күтәрә алуыбыз белән без бик бәхетле булдык.  Һәр бала матур чәчәк кебек, алар шундый төрле! Ә барысы бергә бу дөньяны гаҗәеп гүзәл гөлбакчага әйләндерә. Зурларга исә, шушы гүзәллекне саклап, яклап, тагын да матур итеп үстерәсе генә кала. 

«Балалар хокук даирәсендә»

19 ноябрьдә VI Республика күләм мәгълүмати - социаль видеороликлар «Ребёнок в мире прав»-«Балалар хокук даирәсендә» конкурсының җиңүчеләрен бүләкләү тантанасы узды. Конкурста 6 яшьтән 30 яшькә кадәрге балалар һәм яшьләр катнашты. Ел саен бәйге Татарстан Республикасы Президенты Рөстәм Нургали улы Миңнеханов ярдәме белән үткәрелә. Быел конкурска 328 ролик җибәрелгән, 1 меңнән артык бала катнашты. Ә тулырак мәгълүматны Сез «Яшьләр тукталышы» тапшыруында якшәмбе көнне 9:50, 15:50, 21:50 «ШАЯН ТВ» каналында белә аласыз.

Спутник антеналарының яңа параметрлары

ШАЯН ТВ " каналында»: Ачык рәвештә (МТС): Космик аппарат-ABS 2A (74,7°E); Ешлыгы-12160 МГц; Символик тизлеге-45 см / с; Поляризация - вертикаль; Модуляция-DVB-S2/8PSK; FEC-2/3; Service descriptor телеканалының «1214»номеры. "ТНВ-Планета"каналында. Ачык рәвештә (МТС); Космик аппарат-ABS 2A (74,7°E); Ешлыгы-12160 МГц; Символик тизлеге-45 см / с; Поляризация - вертикаль; Модуляция-DVB-S2/8PSK; FEC-2/3; Service descriptor телеканалының «1372»номеры.

Айдар Галимов котлый

Гыйльметдинов Илдар Ирек улы котлый

«ШАЯН ТВ» каналына 1 ел! Хөрмәтле дуслар, кадерле «ШАЯН»лылар! Сезне ихлас күңелемнән шушы матур бәйрәмегез белән тәбрик итәм. Сез ныклы адымнар белән алга барасыз, нәни тамашачыларның күңелен яулап алуда зур эшләр башкарасыз. Сезнең экраннардан махсус проектлар, телевизион уен-шоулар һәм викториналар, татар халкыбызның күренекле шәхесләре, тарихы, фәнни-популяр, дөньякүләм танылган иң яхшы тапшырулар белән танышырга була, ә иң әһәмиятлесе: тәүлек әйләнәсе татар телендә тыңларга, татар телен өйрәнергә була. Балалар белән беррәтән, бөтен гаилә өчен кызыклы канал, дип саныйм. Сезгә киләчәктә тамашачылар арасында популярлыкны яулап алуда яңа казанышлар, барлык планнарыгызның тормышка ашуын, милли мәдәниятебезне яктырткан яңа проектлар, эшегездә күңел күтәренкелеге, иҗади уңышлар телим. Дәүләт Думасы депутаты, милләтләр эшләре буенча комитет рәисе, Татар федераль милли-мәдәни автономиясе Советы рәисе Илдар Гыйльметдинов