Яңалыклар

Канал яңалыклары 24.04.2025

МИЯУ зарядка!

Бүген – «ШАЯН ТВ» телеканалының яшь хәбәрчеләр кастингы дәвам итә! Әгәр сиңа 10–16 яшь, актив, сораулы һәм камерадан курыкмыйсың икән – экранга чыгу мөмкинлегең бар! Кыскача кызыклы хәбәр турында видео төшер һәм гаризаны тутырып әлеге сылтама аша анкета тутыр һәм безгә җибәр.

24.04.2025

Кызыклы фактлар

Кастинг!

24.04.2025

Балалар редколлегиясе 24.04.2025

Канал яңалыклары 24.04.2025

Ә сез китаплар укырга яратасызмы?

23 апрель — ул гадәти генә көн түгел. Бу — китаплар яратучылар өчен чын бәйрәм! Бүген Бөтендөнья китап һәм авторлык хокукы көне билгеләп үтелә. Ни өчен бу көн мөһим соң? Чөнки китаплар — ул маҗаралар, серләр һәм тылсымнар дөньясына илтүче ачкычлар! Күз алдыңа китер: син өйдә утырасың, ә каршыңда бер китап. Гади генә кебек, тик укый башлау белән — син инде джунглиләрдә, пиратлар белән хәзинә эзлисең, яисә инопланетяннар белән дуслашасың. Китаплар — безне башка дөньяларга алып китә торган могҗизалы порталлар! Кызыклы факт: 23 апрель — бөек язучылар, мәсәлән, Уильям Шекспир туган көн. Шуңа күрә дә ЮНЕСКО бу көнне китапларны һәм аларны иҗат итүчеләрне искә алу көне итеп билгеләгән. Ә син беләсеңме: һәркем язучы була ала! Син дә! Әгәр синең фантазияң бар икән, һәм син кызыклы хәлләр турында сөйләргә яратсаң — кулга каләм белән дәфтәр ал да, яза башла! Бу көнне яраткан китабыңны котларга онытма. Бәлки, аңа яңа китап тамгасы да бүләк итәрсең? Чөнки китаплар — һәрвакыт янәшәдә булган чын дуслар алар. Китап көне белән, кадерле укучы! Китап битләрендәге маҗаралар беркайчан да бетмәсен!

23.04.2025

Яшьләр артыннан бергә күзәтеп барыйк

«Яшьләр Тукталышы» тапшыруының яңа чыгарлышын зәңгәр экраннарда күрми калган булсагыз, бер дә кайгырмагыз! Күп кенә чыгарылышышлар безнең ВКонтакте төркемендә чыгып бара. Әлеге сылтама аша кереп, «Яшьләр Тукталышы» чираттагы чыгарылышын карый аласыз. Яшьләр белән вакытыгыз бик кызык үтәр!

23.04.2025

Халыкара Җир-Ана көне

Ел саен 22 апрельдә бөтен дөньяда үзенчәлекле көн — Җир-Ана көне билгеләп үтелә. Бу безнең планетабыз турында кайгыртуның һәм аны киләчәк буыннар өчен саклауның искә төшерү бәйрәме. Җир — ул безнең йортыбыз. Ул безгә тормыш өчен кирәкле бөтен нәрсәне-саф һава, су, азык, табигать, хайваннар һәм хәтта тылсымлы кояш баюны бирә. Әмма, кызганычка каршы, кешеләр еш кына әйләнә-тирә мохитне саклауның мөһимлеген оныталар. Без һаваны машиналар белән пычратабыз, урманда яки елга буенда чүп-чар ташлыйбыз, нәтиҗәләр турында уйламыйча урманнарны кисәбез. Ни өчен җирне «әни» дип атыйлар? Чөнки ул, кайгыртучан әни кебек, безне ашата, эчертә һәм яклый. Ул без эшләгәннәрнең барысын да түземлек белән кабул итә, әмма һәр әнинең чиге бар. Әгәр дә без табигатькә зыян салуны дәвам итсәк, Җирнең дә, безнең дә хәл начарланачак. Планетабызга ярдәм итәр өчен без нәрсә эшли алабыз? Менә берничә гади, ләкин мөһим киңәшләр: Чүп-чарны ташламаска, ә аны сортларга аерырга — пластик, кәгазь һәм пыяланы эшкәртергә мөмкин. Суны һәм утны экономияләргә. Агач утыртырга һәм үсемлекләрне карарга. Чәчәкләрне өзмәскә, бигрәк тә сирәк. Хайваннарны сакларга, аларны куркытмаска һәм йортларын җимермәскә. Бу көнне Җир өчен гаилә бәйрәме оештырырга мөмкин: Әти-әниләр белән бергә агач яки чәчәк утыртырга. Көнне пластиктан башка үткәрергә. Табигать темасына рәсем ясарга Паркта яки ишегалдында чүп җыярга. Экологик девиз уйлап табу, мәсәлән: чиста «Чиста Җир — бәхетле гаилә!» Исеңдә тот: хәтта иң кечкенә генә яхшы гамәл дә табигать өчен зур әһәмияткә ия! Җир сүз белән ярдәм сорый алмый, ләкин ул безгә саф һава, җылы кояш һәм кошлар сайравы белән һәрвакыт рәхмәт әйтә. Җир-Ана көне белән, дуслар! Әйдәгез, йортыбызны бергә чистарак, матуррак һәм игелеклерәк итик!

22.04.2025

1 ... 22 23 24 25 26 ... 376

Яңа сайт!