Яңалыклар

«Тукай оныклары» ВКонтакте төркемендә

«Тукай оныклары» тапшыруының яңа чыгарылышын ВКонтакте төркемендә карарга онытмагыз! Күркәм һәм илаһи шигырьләр әлеге тапшыруда булачак! Әлеге сылтама аша кереп карый аласыз! Шулай ук безнең социаль челтәрләрдә «Тукай оныклары» бәйгесе бара. Катнашырга өлгер!

20.04.2025

«Бишек җырлары» — карамый калма!

Бүген татар халкының бай мирасын тәшкил иткән бишек җырлары турында өр-яңа тапшыруының премьерасы! «Бишек җырлары» проектының төп максаты – ата-анабелән бала арасында эмоциональ җылы мөнәсәбәтләр булдыру, ана белән баланың рухи дөньясын якынайту. Беренче чыгарылышта бишек җырын Татарстанның атказанган артисты Сәидә Мөхәммәтҗанова башкара. Җыр Айдар Хәлим сүзләренә язылган, ә көйавторы – Зөлфия Тәхаветдинова. Әлеге видеоны сылтамалар аша кереп,«ШАЯН ТВ» телеканалы ВКонтакте төркемендә һәм Youtube каналында карарга мөмкин. Күрми калма, бу чын могҗиза!

19.04.2025

«Иман Әлифбасы» тапшыруының яңа чыгарылышы

Безнең ВКонтакте төркемендә «Иман Әлифбасы» тапшыруының 3 нче чыгарылышы чыкты! Әлеге яңа чыгаралышыта без әхлакый кыйммәтләр, дуслык, ярдәмләшү һәм бер-береңә хөрмәт күрсәтү кебек мөһим төшенчәләр турында сөйләшербез. Сылтама аша кереп, карарга мөмкин.

19.04.2025

Казан — тарихи урыннар һәм һәйкәлләр

Казаныбыз — матур һәм кызыклы шәһәр, анда борынгылар хәзерге заман белән очраша. Биредә башкалабызның үткәне һәм бүгенгесе турында сөйләүче күп кенә һәйкәлләрне һәм урыннарны күрергә мөмкин. Иң мәшһүр һәйкәлләрнең берсе — Муса Җәлил һәйкәле. Ул батыр шагыйрь һәм Бөек Ватан сугышы герое. Аның һәйкәле Кремль янында тора. Ул, әйтерсең лә, алга таба тәвәккәллек белән бара — батырлыкның чын үрнәге! Ә беләсезме, Казанда аждаһа Зиланты бар? Бу тылсымлы җан иясе — шәһәр символы. Аны Казан гербында һәм Кремль янындагы һәйкәлдә күрергә мөмкин. Зилант шәһәрне күп гасырлар саклый, диләр! Бауман урамы буйлап йөрсәң, Казан мәчесе һәйкәлен күрергә була. Кайчандыр Кышкы сарайны күселәрдән коткарган күңелле һәм уңайлы мәче ул! Хәзер ул эскәмиядә утыра һәм балалар аның белән фотога төшкәнен көтә. Бауман урамындагы карильонлы сәгатькә күз салырга онытмагыз. Һәр сәгать саен анда музыка яңгырый, һәм тәрәзәләр ачыла, анда фигуралар күренә. Бу чын тылсым! Шулай ук Казанда ак диварлы һәм манаралы Кремль — ныгытма бар. Анда Кол Шәриф мәчете һәм православ Благовещение чиркәве урнашкан. Бу төрле мәдәният һәм диннәр Янәшә тыныч яшәгән урын. Казан — күңелле шәһәр. Биредә һәр һәйкәл, һәр урам кызыклы тарих сөйли ала. Аның буйлап йөргәндә, тарихның ничек яшәвен һәм сулавын тоярга мөмкин!

18.04.2025

«ШАЯН ТВ»да ПРЕМЬЕРА!

«ШАЯН ТВ» телеканалында «Бишек җырлары» исемле ясалма инттеллект ярдәмендә эшләнгән яңа проект старт ала! Әлеге тапшыру балалар өчен татар телендә язылган бишек җырлары белән таныштыра. Бишек җырлары нейро челтәр ярдәмендә тереләнәләр! Чын әкияти һәм милли видеолар килеп чыга! Җырларны атаклы һәм барыбызга таныш булган артистлар башкара. Бу тапшыру милли традицияләрне сакларга һәм туган телгә кызыксыну уятырга булыша. Әби-бабайлар, әниләр җырлаган көйләрне искә төшерергә ярдәм итә. Беренче чыгарылышта бишек җырын Татарстанның атказанган артисты Сәидә Мөхәммәтҗанова башкара. Җыр Айдар Хәлим сүзләренә язылган, ә көй авторы – Зөлфия Тәхаветдинова. 19 апрель көнне 07:20 һәм 15:20 сәгатьтә «ШАЯН ТВ» телеканалында карамый калмагыз!

18.04.2025

«Батыр егетләр» ансамбле Ак Барс хоккей уенында!

Бүген хоккей сезонының иң көтеп алынган матчларының берсендә — Казанның «Ак Барс» һәм Мәскәүнең «Динамо» командалары очрашуында — Татарстан гимны яңгырады. Аны безнең «Батыр егетләр» инструменталь ансамбль тере башкаруда тәкъдим итте! Чыгыш матч башланыр алдыннан булды һәм барлык тамашачылар өчен аеруча дулкынландыргыч мизгелгә әверелде. Гимнны башкару — ул гади концерт номеры гына түгел, ә туган республикабызга, аның мәдәни кыйммәтләренә тирән хөрмәт билгесе. Быел бу чыгыш ансамбль өчен зур әһәмияткә ия: аларга татар музыка традициясен киң спорт мәйданында тәкъдим итү нәкъ аларга ышанып тапшырылды. Без үз чиратыбызда егетләребез белән чын күңелдән горурланабыз! Аларга киләчәктә дә зур уңышлар телибез!

18.04.2025

«Кеше китә – җыры кала» телесериалының презентациясе

16 нчы апрель көнне «Ватан 21 век» һәм ТНВ төшергән «Кеше китә – җыры кала» телесериалының презентациясе узды. Чара барышында сериалның бер сериясе күрсәтелде һәм анда катнашкан актерлар белән очрашу узды. «Ватан 21 век»кинокомпаниясе «Кеше китә – җыры кала» сериалын Татарстанның халык язучысы Мөхәммәт Мәһдиев әсәре нигезендә «Татарстан – Яңа Гасыр» телерадиокомпаниясезаказы белән төшерде. Сериал Татарстан Рәисе каршындагы татар телен һәм Татарстан Республикасында яшәүче халыкларның телләрен саклау һәм үстерү мәсьәләләре комиссиясе һәм В. Д Шашин исемендәге «Татнефть» АҖ компаниясе ярдәмендә әзерләнде. «Беренче тапкыр шундый зур сериал төшердек. Мондый мөмкинлекләр булгач, без тырышканча эшләдек. Мин аеруча дулкынланам. Ничек кабул итәрләр? Минем үземә бик ошады. Тамашачы кулына тапшырабыз бу сериалны. Аның тормышы уңышлы булсын» — дип хис-кичерешләре белән бүлеште «Яңа Гасыр» телерадиокомпаниясе генераль директоры Илшат Юныс улы Әминов. Шулай ук Илшат Әминов Татарстан Республикасы Рәисе Рөстәм Нургали улы Миннехановка, Марат Готыф улы Әхмәтовка һәм барлык катнашучыларга, иганәчеләргә әлеге проектны чынга ашырырга мөмкинлек биргәннәре өчен зур рәхмәт сүзләрен белдерде. «Кеше китә – җыры кала» сериалы Бөек Җиңүнең 80 еллыгы уңаеннан 28 апрель көнне «ТНВ-Татарстан» һәм «ТНВ-Планета» каналларында күрсәтеләчәк. Карамый калмагыз!

17.04.2025

«Тукай оныклары» бәйгесе

26 апрель - бөек шагыйребез Габдулла Тукайның тууына 139 ел! Шул уңайдан, «ШАЯН ТВ» каналы бәйге оештыра. Балагызның телевидениегә эләгеп, барлык туганнарыгызны, дусларыгызны, танышларыгызны шаккаттырасыгыз киләме?! Алайса, бу бәйге нәкъ сезнең өчен! Кагыйдәләр һәм тулырак мәгълумәт безнен Телеграм каналда! Гаризалар 24 нче апрель сәгать 12:00 кадәр кабул ителә! Финалистларны каналыбызның сәнгать теркеме белән сайланачак. 3 җиңүчене «ШАЯН БАЛАЛАР» тапшыруына чакырабыз һәм «ШАЯН ТВ» каналыннан истәлекле бүләкләр бирәбез! Шулай ук безнең ВКонтакте төркемендә әлеге бәйгенең 10 яшьтән кечерәк булган балалар өчен махсус этабы уза. Тулырак сылтама буенча. Уңышлар!

17.04.2025

1 ... 22 23 24 25 26 ... 375

Яңа сайт!