Хыялыңдагы эшне эзлисеңме? “ШАЯН ТВ”га кил!

Продюсерлар , ягъни идеяне чынга ашыручылар! Әгәр син теләсә кайсы теманы кызыклы итә һәм беренче секундлардан ук тамашачының игътибарын яулый аласың икән —көтәбез!

Редакторлар – ягъни сыйфат өчен җавап бирүчеләр. Фактларны тикшерү, текстларны шомарту һәм һәр яңалыкның нәтиҗәле булуы сорала!

Хәбәрчеләр – программабыз алар тавышы белән сөйләшә! Камерадан курыкмау, сораулар бирә белү һәм аудиторияне авызыңа каратып тота белү шарт.

Монтажерлар - постпродакшен тылсымчылары! Алар ритм, күчеш һәм графика ярдәмендә материалны танымаслык итеп үзгәртә, аны кат-кат карыйсы килердәй итә.

Игътибар ит:
Программалар татар һәм рус телләрендә чыга. Ике телне дә белүчеләргә өстенлек биреләчәк.
Яңа караш, энергия һәм өйрәнү теләге булса, тагын да яхшы.
Бу өлкәдә тәҗрибәң булуы әйбәт, әмма иң мөһиме - портфолио һәм үсәргә омтылыш.

Ә без сиңа нәрсә тәкъдим итәбезме?
Үз хезмәтен яратып башкаручы осталар командасында эшләү;
Үзеңне Республика телеканалында таныту;
Тамашачылар көтеп ала һәм яратып карый торган проектка үз өлешеңне кертү мөмкинлеге.

Йә ничек, син «ШАЯН ТВ» командасына кушылырга әзерме?

Резюме һәм портфолиоңны priemnaya@shayantv.ru адресына җибәр, безгә кирәкле креатив белгечнең ни өчен нәкъ менә син икәнен аңлат.

ШАЯН ШОРТС ул - кыска формат, зур мөмкинлекләр.