Тат 
Рус 
Eng 
Югары уку йортларында конкурс исемлекләре басылып чыкты
27 июльдә Россиянең югары уку йортлары абитуриентларның конкурс исемлекләрен бастырып чыгарды. Алар белән вузларның рәсми сайтларында, шулай ук Дәүләт хезмәтләре порталындагы «Вузга онлайн керү» суперсервисында танышырга мөмкин. Бу турыда «Российская газета» яза.
Хәзер абитуриентлар һәр сайланган юнәлеш буенча үз урыннарын күрә һәм укырга керү мөмкинлекләрен бәяли ала. Нәкъ менә конкурс исемлекләре чыккач, күпләр кайсы вузга һәм кайсы белем бирү программасына ризалык тапшырырга икәнен хәл итә.
Исегезгә төшерәбез, абитуриентлар берьюлы биш югары уку йортына һәм һәркайсында бишәр юнәлешкә кадәр документлар тапшыра алды. Конкурс исемлекләре яңарып торганлыктан, үз позицияләрен даими күзәтеп бару мөһим.
Максатчан, махсус һәм аерым квоталар буенча укуга керүчеләр, шулай ук олимпиада җиңүчеләре һәм призерлары ризалыкларын 1 августка кадәр тапшырырга тиеш. БДИ нәтиҗәләре буенча төп конкурс нигезендә керүчеләр өчен соңгы көн — 5 август.
Хәзер нәкъ менә укуга керүгә ризалык төп документларның берсе булып санала.
Главная 
Программа 
Видео 
Шортс 
Поиск