«Алтын каләм 2019»

3 нче июльдән яшь журналистлар «Алтын каләм 2019» фестивеле башланып китте.  Быел фестивальдә катнашкан 124 баланың 34 телевидение юнәлешен сайлаган. Ә  бүген алар безнең «ШАЯН ТВ» студиясендә кунакта булдылар. Фестивальдә катнашучылар өчен безнең каналыбызның алып баручылары экскурсия, флешмоб, масстер-класслар үткәрде. Киләчәктә үзләрен журналист буларак күрүче балалар бик шук һәм шаян булып чыкты. Без алар белән тәҗрибәбез белән бүлештек, аларны кызыксындырган сорауларга җавап бирдек. Әлеге егет-кызлар киләчәктә уңышка ирешсен, яхшы журналистлар булсыннар! Без сезгә ышанабыз!

Өчпочмак

Яңа рубрика

Безнең Инстаграмыбызда яңа рубрика.  Килгән кунаклар съемкадан соң үзләренең хис-кичерешләре белән уртаклашалар. Посмотреть эту публикацию в Instagram Бүген "ШАЯН ТВ" каналында #шаян_кунак ⠀ ⠀ ⠀ ⠀ ⠀ ⠀ ⠀ ⠀ ⠀ ⠀ ⠀ ⠀ ⠀ ⠀ ⭐️ Татар кызы-2019 ⠀ ⭐️ Балерина ⠀ Айсылу Мирхафизхан @ais_mirkhan белән сөйләшеп алдык

Федераль Сабантуй

Узган атнада, 29 нчы июнь көнне, Самара өлкәсе Камышлы авылында 10 нчы бөтен Рәсәй сабантуй узды.  Әлбәттә, сабантуйга хас булган: ат чабышы, көрәш, милли уеннарсыз үтмәде. Чара авылда узуга карамастан анда 280 артист катнашты. Ә килгән кунакларга килсәк, алар якынча 20 меңнән артык булды. Әлеге кешеләр арасында «ШАЯН ТВ» каналын каручы һәм яратучыларны күрү безне бик сөендерде. Шаяннарсыз әлеге бәйрәмне күз алдына да китереп булмый! Чөнки, безнең каналыбыз оештырган күңелле уеннар һәм мастер-класслар нәни дусларыбызга бик ошады.  Без бүләк иткән истәлекле бүләкләр балаларга ошаган дип өметләнеп калабыз.

Сак булыгыз!

Үзбәкстанның Джизак шәһәрендә «Очучы тәлинкә» аттракционы тамашачыларның күз алдында җимерелеп төшкән. Бу вакытта аттракционда сигез кеше булган. Җиде метрлы биеклектән килеп төшеп, 20 яшьлек кыз һәлак булган. Аттракцион март аенда кулланылышка тапшырылган булган. Әлеге вакытта Джизак прокуратурасы тикшерү эше ачкан.  Кызганычка каршы, аттракционнарда фаҗигаләр артканнан-арта. Күптән түгел Сәмәрканд шәһәрендә дә карусельдан бер кыз чыгып очкан булган, бәхеткә, ул исән калган. Мәскәүнең «Сокольники» паркында исә үткән атнада гына балалар бер аттракционда башлары белән аска карап эленеп калганнар һәм җиргә килеп төшкәннәр. Бер баланың мие селкенгән, икенче бер кыз аңын югалткан. Тулырак Tatar Today - татар яңалыклары.

Котлыйбыз: Фәнис абый

Бүген безнең «Кичке әкиятләр» тапшыруының алып баручысы Фәнис абыйның туган көне. Фәнис абый! Сезне туган көнегез белән котлап, иң изге, якты, матур теләкләребезне юллыйбыз: көчле рухлы  һәм ярдәмчел, бәхетле һәм сәламәт булыгыз! Ныклы тазалык, озын гомер, ак бәхетләр белән мул тормышта яшәвегезне телибез! Тагын бер кат - Туган көнегез белән! Иң изге теләкләр белән «ШАЯН ТВ» каналы һәм аны караучы нәни дуслар!

Матур

Күлмәк