Бер, ике, өч...

Бер, ике, өч... Без башлыйбыз. «Хәерле көн, радио тыңлаучы, Дусларыбыз!» Без көн саен әлеге сүзләрне әйтүче, радионы уйлап табучы һәм әлеге бәйрәм белән бәйле булучыларны - Радио көне белән котлыйбыз!

Нәрсә укырга телисез?

Хәерле көннәр! Сез безнең Яңалыклар  бүлегендә нинди яңалыклар укырга теләр идегез? - «Ни өчен?» рубрикасы  - «ШАЯН ТВ» каналы тормыш турында  - Әйләнә тирә белән танышу - Сүз байлыгын арттыру - Кызыклы шәхесләр турында сөйләшү - Табышмаклар, башваткычлар, уеннар уйнау - Үзегезнең тәкъдимегез?  

Хәтфә

«ШАЯН ТВ» бәйгедә катнаша

Хәерле көннәр, якын дусларыбыз! Безгә сезнең ярдәмегез кирәк. Булышасызмы? Без «Карусель»  каналы оештырган «Главные герои» бәйгесендә катнашабыз.  Җиңү өчен безгә сезнең «тавышларыгыз» кирәк. 20 нче апрельдән 15 майга кадәр монда  кереп «Главное открытие года» номинациясендә ШАЯН ТВ дип языгыз. Сылтама аша кереп 6 хәреф язу бик авыр түгел, ләкин җавапка әлеге каналны яраткан балалардан меңләгән рәхмәт ишетү рәхәтрәк. Безнең белән бергә булганыгыз өчен рәхмәт!

Табышмак + җавап

Аяксыз, кулсыз, капка ача.  Бу кем?  . . . . . . . . Җавап: җил.

Бәйге: ШАЯН ЯЛ

Борынгы заманнарда язны карга үз канатларында китерә дип саналган. Шуңа күрә, кар эри башлагач, беренче инешләр барлыкка килгәч, «карга боткасы» бәйрәме оештырылган. Бу көнне матур итеп киенгән балалар һәр йорттан ярма, йомырка, сөт, май, шикәр җыйганнар һәм ботка пешергәннәр, шигырьләр һәм җырлар белән сыйланганнар Ә хәзер бу бәйрәмнәр ничек үткәрелгәнен син сөйлә. - Май ялларыннан фото төшер - #ШАЯНЯЛ дигән хэштег куеп, үз битеңдә урнаштыр; - Яңалыклар артыннан күзәт һәм бүләкләрне көтеп кал. Иң күп лайк җыючыга «ШАЯН ТВ» каналыннан истәлекле бүләк! Уңышлар барчагызга.  Фотоларыгызны көтеп калабыз 

Яхшы хәбәр

Ура, безнең үз мобиль кушымтабыз бар...

Безнең сезгә бик яхшы хәбәребез бар. Безнең каналыбыз замана белән бергә атлап бара. Безнең үз сайтыбыз, Инстаграмыбыз, ВКда төркемебез, Ютубта каналыбыз һәм хәзер гаджедлар өчен махсус мобиль кушымтабыз да бар. Бүген, 1 нче май көнне, Android гаджетлары өчен мобиль кушымта дөньяга чыкты. Үзегезнең телефоннарыгызга безнең «ШАЯН ТВ» кушымтасын сакландырып, безнең белән бергә булыгыз.  (IOSта мобиль кушымта якын арада булачак).